Книгата „Емоционална интелигенција" е преведена на многу јазици и доживува милионски тиражи. Во овој светски хит, надвор од трендовскиот жанр, авторот, анализирајќи ги предусловите за успех и среќа на човекот во современиот свет, емоционалната интелигенција ја става над рационалната. Темелејќи го сопствениот пристап врз бројни примери од истражувања спроведени со деца и возрасни, низ оваа обемна социолошка студија, целосно ја претставува емоционалната интелигенција, како способност за: чувство кон другите и средината; реална проценка; контрола врз сопствените емоции; создавање добри меѓусебни односи. Оваа книга нуди решенија за проблеми во воспитувањето, школувањето, работењето, релациите, семејството...

Оваа книга на оние со ниско ниво на емоционална интелигенција, ќе им биде вистинско откритие, а оние, пак, коишто се одликуваат со емоционални вештини ќе добијат потврда за нивното значење. Читајќи ја оваа книга ќе се уверите дека емоционалната писменост и емоционалната интелигенција се во директна корелација со квалитетот на животот и иднината.