Мислевте дека приказната е завршена. Ама, ѕвездите и понатаму кријат тајни што сакаат да ви ги откријат…

2009 година, Кент. Ексцентричниот трговец со стари и ретки книги, Орландо Форбс, ги живее најсреќните денови од животот, работејќи заедно со Ѕвезда Д’Аплиез. Ама, кога еден таинствен посетител ќе побара примерок од Божиќна приказна, тоа ќе покрене една одамна закопана книжевна мистерија на која обајцата не можат да одолеат да не ја откријат…

Кој е невидливиот куклар што од сенка диригира со цела низа траги? Каква експлозивна тајна е скриена во страниците на реткото прво издание? И каква уништувачка одмазда се планира за наследството на Седумте сестри?

1835 година, Лондон. Елиза Ведерил поседува брилијантен талент за пишување, ама нејзината амбиција е забранета во едно викторијанско општество. Кога ќе ја препознаат и ќе ја поканат во светот на издаваштвото, и тоа никој друг туку Чарлс Дикенс лично, таа мора да избере меѓу сигурноста на моралните обврски и опасноста што ја носи нејзината вистинска професија – избор со последици што ќе одекнуваат низ вековите…

Додека Орландо брза да ја пронајде вистината што се крие на страниците од таа книга, заедно со Ѕвезда сфаќа дека сè уште постојат многу тајни на нејзиното семејство што допрва треба да се откријат…

Вратете се во светот на Седумте сестри. Ова е приказната на Орландо.