#2 УБИСТВАТА ВО ОРЕ

Тајни, одмазда и брутално убиство ја нарушуваат идиличната зимска атмосфера во овој напнат роман од кој замрзнува крвта.

Оре е туристичко место и криминалот е реткост. Уште помалку нешто толку брутално како убиството на Јохан Андерсон, поранешен олимписки скијач чие врзано и претепано тело е пронајдено во шумата. Според неговата сопруга, немал ниту еден непријател.
Истрагата на детективите Хана Аландер и Даниел Линдског покажува дека не е така. Но, што можело да испровоцира толкав гнев? И кај кого?

Ребека Еквал, пак, ранливата сопруга на пасторот, е заробена во брак полн со злоставувања. Изолирана од другите во конгрегацијата, се плаши од сопругот, а уште повеќе стравува за својот живот. Бидејќи Ребека во себе носи судбоносна тајна.
Но, не е единствената во Оре која има нешто да скрие.

Додека Хана и Даниел продолжуваат да ја расплеткуваат мрачната историја на сè побројните осомничени, сфаќаат дека убиството на Јохан е само почеток на една вознемирувачка приказна за опстанокот и за одмаздата.