Декември е во Стокхолм. Шведскиот министер за правда е во опасност. Анонимна телефонска порака го известува дека му преостануваат само уште 14 дена живот. Во исто време, во стокхолмското метро е пронајден човечки скелет кој му припаѓа на познат финансиер.

Детективката Мина Дабири и нејзиниот тим, кои сè уште се опоравуваат од трауматичниот инцидент од минатото лето, во кој загина нивен колега, го повикуваат менталистот Винсент Волдер да им помогне во истрагата. Но, и самиот Винсент се соочува со таинствени закани и минува низ лична криза.

Кога полицијата ќе пронајде уште еден скелет во метрото, тимот повторно е ставен на тест – што се случува во тунелите длабоко под Стокхолм? Кој сè е во опасност, и дали заканите кон министерот се поврзани со овие убиства? А, времето немилосрдно тече…