Ова е прв роман на Марјан Георгиевски, битолскиот актер и еден од првите стенд-ап комичари кај нас, во кој негоиот препознатлив комично-гротескен израз овој пат е преточен во текст. Романот има седум наративни епизоди, седум поглавја, седум љубовни двојки... Тој функционира како еден вид „никогаш неснимана серија“, како средба со нашите најинтимни слики, звуци, искуства и доживувања. Како можна функција на нашата неможна стварност. Или обратно.

Седумте љубовни двојки ги обединува нивниот почеток на крајот, нивниот распад, смртта на љубовта. Одамна починатите љубови се оплакуваат пред нас, небаре тукушто ги склопиле очите. Напати пренагласено и паетитчно, се смее и се плаче за љубовта, за неможноста за чист, искрен однос, за општото отсуство на среќата околу нас...