Во еден манастир лежат две калуѓерки - едната мртва, другата тешко повредена - жртви на непоимливо суров напаѓач. За тоа злосторство навидум нема мотив, но медицинскиот истражитеп, Мора Ајлс, во текот на аутопсијата на мртвата жена доаѓа до интригантно откритие: дваесетгодишната сестра Камила се породила непосредно пред да биде убиена. 

Набрзо полицијата наоѓа уште еден труп, осакатен до непрепознавање. Др. Ајлс и детективката Џејн Рицоли заедно го откриваат прастариот ужас што ги поврзува тие две злосторства. 

Додека долго скриените тајни избиваат на виделина, Мора Ајлс станува неизбежно вовлечена во самото средиште на истрагата што се заканува да ја погоди преблиску до срцето...