На прв поглед Катарина Сафран е олицетворение на успехот. Нејзиното име е синоним за вештина, стручност и неуморна посветеност на медицинската професија и на кардиохирургијата. Нејзиниот ум е беспрекорен, а рацете и се сигурни во операционата сала. Мажена е за успешен француски бизнисмен. Живее живот од соништата во луксузен апартман во центарот на Чикаго.

Меѓутоа, ноќниот лет на релацијата Чикаго-Белград засекогаш ќе промени сѐ. Таа судбоносна ноќ ќе ги разниша темелите на постоењето на Катарина и ќе ја наведе да го преиспита целиот дотогашен живот. Во тој клучен момент ќе сфати дека, стремејќи се кон подобро, запоставила некои од најважните работи во животот. Вклучувајќи ја и сопствената среќа.

Новиот роман на Јелена Бачиќ Алимпиќ "Последните часови" ни ја открива трогателната, на моменти болна вистина, дека можеби најважните моменти во нашиот живот се оние што не принудуваат да се соочиме со своите демони, желби и предизвици.

Оваа приказна за храброста и потрагата по вистинската смисла на животот ќе ви остане врежана во сеќавањето како инспирација никогаш да не се откажете од потрагата по суштината во времето што ви е дадено...