Кој може да го победи силниот човек кој верува во себеси? Бидете сигурни дека вашиот успех никогаш не може да биде поголем од вашата самоувереност. Променете го погледот кон светот. Она што го гледате, она во што верувате, она за што непрекинато се борите да го постигнете – тоа е она кон што ќе се приближувате. Не постои мудрост со која еден човек може да направи нешто, ако самиот тој мисли дека не може да го направи. Препреките се тргаат од патот на решителната личност која верува во себеси.

Најбожественото наследство на човекот е способноста да сонува. Сонувачите отсекогаш биле оние кои го постигнувале навидум невозможното. Уште повеличествено е да се сонува кога ја имате борбеноста и упорноста кон целта, како и одлучноста соништата да се усогласат со реалноста. Запомнете – среќата е ехо на она што го правиме и мислиме.