Индивидуалната психологија детално се занимава со детската психологија, колку поради значењето на ова подрачје, толку и поради дополнителните заклучоци за карактерните особености и начините на однесување на возрасните. Наспроти другите психолошки начини на објаснување, индивидуалната психологија не го толерира јазот помеѓу теоријата и практиката. Таа се потпира врз целоста на личноста и како наука, ја има предвид динамичната борба на личноста за отворање на можности за нејзиниот развој. Посматрано од ова гледиште, практичното сознание е веќе практично знаење, бидејќи сознанието се гради низ грешки и заблуди, па секој кој го има тоа сознание – психолог, родител, пријател или самата индивидуа – веднаш ја забележува можност за негова практична примена во насочувањето на одредената личност...