Кога полни триесет години, Наташа Лан сфаќа дека нема вистински насоки за разбирање на љубовта. Колку повеќе ги набљудува пријателите и нивните врски, толку повеќе сфаќа дека изминатите години не и носат појасна слика за оваа недофатлива, преобразувачка емоција. 

Една ноќ, преплавена од мисли, запишува неколку зборови за љубовта – и така почнува потрага по искрени, понекогаш непријатни разговори за нејзините аспекти кои често не се појавуваат во нашата комуникација за бракот, односите со браќата и сестрите, пријателствата или односите со родителите. Тие белешки ќе прераснат во популарен билтен со илјадници читатели и инспиративни соговорници. 

Во оваа книга, авторката поставува три суштински прашања. Како ја наоѓаме љубовта, како ја чуваме и како живееме без неа? Вистинските љубовни приказни на овие страници ќе ве исполнат со надеж и ќе ве потсетат дека љубовта е кревка, силна, секојдневна, прекрасна – и секогаш вредна за борба.