Најмистериозниот серијал, продаден во милиони примероци, што мора да го прочитате - "Како убиваат добрите девојки", сега и на Нетфликс!

Во оваа серија што предизвикува зависност, поттикната од вистинско злосторство, се откриваат повеќе мрачни тајни, откако Пип ќе се најде во уште еден смртоносен случај.

И таа веќе не е детектив.

Со помош на Рави Синг, таа издаде поткаст за едно вистинско злосторство поврзан со случајот со убиство што го решија заедно претходната година. Поткастот стана вирален, но Пип и понатаму тврди дека деновите полни со истрага ги оставила зад себе.

Но, ќе мора да го прекрши тоа ветување кога ќе исчезне некој што ѝ е близок. Исчезнал Џејми Рејнолдс, и тоа истата ноќ кога градот беше домаќин на комеморацијата по повод шестгодишнината од смртта на Енди Бел и Сал Синг.

Полицијата не превзема ништо во врска со тоа. И, ако тие не тргнат во потрага по Џејми, тогаш ќе тргне Пип, откривајќи попатно повеќе тајни на нејзиниот град. Но, овојпат сите слушаат. Ќе го најде ли пред да биде предоцна?