Сите во Литл Китон ја знаат оваа приказна.

Пред пет години убавата и популарна матурантка, Енди Бел, била убиена, а убиец е нејзиното момче, Сал Синг, кој потоа извршил самоубиство, признавајќи ја вината во проштална порака. Полицијата е уверена дека тој е виновен. Сите во неговиот роден град се уверени дека е виновен.

Пет години подоцна, Пип сфаќа дека тој случај се уште го прогонува нејзиниот мал град. Но, не може да се ослободи од впечатокот дека на тој кобен ден се случило уште нешто. Пип, којашто сега е исто така матурантка, како свој истражувачки проект, одлучува да го преиспита тој навидум решен случај, за почеток само колку да предизвика сомневање на првобитната истрага. Но, се заплеткува во мрежа од мрачни тајни, кои навистина би можеле да докажат дека Сал е невин. 

Минатото и сегашноста почнуваат да се преплетуваат. Некој во Литл Килтон не сака Пип да ги најде одговорите: ако вистинскиот убиец е на слобода, сега и нејзиниот живот е во опасност...

Според оваа возбудлива мистерија, која освои милиони читателски срца низ светот, на Netflix почна да се прикажува серијата - A Good Girl's Guide To Murder.