Стокхолм, 1793 год: Четири години по падот на Бастилја и една година по убиството на кралот Густав III, Шведска тоне во хаос, сиромаштија и епидемии. Тензиите меѓу сиромашните и богатите се заоструваат и доволна е искра за да се разгори револуцијата. И токму пред почетокот на најстудената зима во осумнаесеттиот век, во езерото Фатбурен ќе биде откриено мртво тело. Иако сите се згрозени од суровото убиство, единствените што ќе се нафатат да го истражуваат случајот се еден правник болен од туберкулоза и еден поранешен војник измачуван од траумите на војната.

„1793“ е вешто изработена комбинација од историски роман, готска фикција и трилер. Преку четири раскажувачки перспективи, Никлас Нат о Даг гради возбудлива приказна која не е само класична потрага по убиецот, туку и трка со смртта и разобличување на идеализираната слика на минатото.

„Преполн со неочекувани пресврти и незаборавни ликови, 1793 потсетува на романите на Умберто Еко и на приказните за Шерлок Шолмс.“ - Вашингтон пост

„Ова е возбудлива, морничава, паметна и убава приказна. Читањето е како мал подарок за читателот.“ - Фредрик Бакман

„1793 е прекрасна комбинација на историски роман и трилер, одлично доловувајќи го духот на XVIII век и поставувајќи заплет што потсетува на најдобрите детективски романи.“ - Паблишерс викли