Потресен роман за копнежот, вината, бесмртното пријателство и пронаоѓањето животна рамнотежа по разурнувачката врска...

По тешкиот развод, на Естер ѝ се чини дека нејзиниот живот ја загубил смислата. Најболни ѝ се викендите што не ги поминува со синот. Во тие денови, секоја втора недела, оди кај стариот даб што расте крај водата. Еден ден под дабот ја среќава Рут, возрасна дама што има прекрасна особина секогаш да се насочи само врз тоа што е убаво во животот. Фасцинирана од неверојатната животна приказна на Рут, Естер со текот на времето ќе стане нејзина добра пријателка. Колку повеќе ќе стекнуваат меѓусебна доверба, сè поочигледно ќе биде дека Рут крие болни тајни. Откривајќи ги, Естер ќе стигне дури до Италија и езерото Комо, каде што ќе сфати дека животната приказна на Рут е многу поинаква отколку што можела да претпостави...

„Прекрасна приказна. Трагична, инспиративна и полна со надеж. Во вас ќе разбуди мошне силни емоции.“ - boktokig.blogg.se

„Роман што на најубавиот начин ја опишува радоста на новооткриеното пријателство. Едногласна препорака.“ - Sveriges Radio