Северна Кореја прва го зададе ударот, а САД не го остави ударот без одговор, така што избувна Третата светска – нуклеарната војна. Цивилизацијата е уништена после неколкумесечната размена на атомски експлозии. Оние што ја преживеаја војната, со голема брзина се претвораат во зомби од вирусот МОБ, што дејствува за неколку секунди. По некое чудо, Јапонија преживеа. Тоа е последното засолниште на цивилизацијата, каде што сè уште има неконтаминирани ресурси за храна и вода, наука, индустрија, дури и уметност.

Островот Сахалин служи како зона помеѓу Јапонија и уништената Евроазија, која што е вистински пекол од инфицираната популација. Сахалин е мала и ужасно пренаселена територија со милиони Кинези и со помалку привилегираните Корејци и Американци, кои ги плаќаат гревовите на нивните предци што ја започнаа големата војна. Сахалин е територија од кошмарни затвори и логори.

Сирењ е привлечна и убава синоока девојка, футуролог и ќерка на Русинка и Јапонец со висок ранг. Таа добива задача да ги проучува условите во затворите и логорите и економската ситуација на островот. Нејзиниот професор верува дека Сахалин во неговите екстремно критични услови, можеби е територијата каде што се обликува иднината. Со нејзиното пристигнување на островот, Сирењ, добива помош од професионален убиец. Артјом ќе ѝ се придружи и ќе ја штити. Нивната мисија на островот е пеколно опасна…