Приказната на Ема и Стивен ни го носи продолжението на „Сенката што ме чува“ директно во срцето на Париз, градот на светлината, но и на скриени интриги.

Ема, решена да ги пронајде доказите што можат да ја разоткријат вистината зад опасната истрага, несвесно чекори во стапица. Заканите не се повеќе анонимни, а непријателите се поблиску отколку што изгледа. Секој чекор ја води подлабоко во мрежа од лаги, корупција и смртоносни тајни. Сенките се згуснуваат, заканите стануваат појасни, а ловот започнува.

Кога Ема исчезнува, Стивен, специјалец кој одамна научил да преживува, тргнува по нејзините траги. За него, ова не е само мисија. Ова е борба против времето, против убијците што ги следат и против сопствените демони. Додека куршумите го сечат воздухот, а Париз станува нивна арена, меѓу нив повторно се раѓа чувство што е исто толку опасно колку и непријателите што ги бркаат. Во бегството низ тесни улици, мостови и скриени агли на градот, тие се пронаоѓаат самите себеси и еден со друг. Во градот каде што љубовта и смртта чекорат рамо до рамо, опстанокот ќе бара повеќе од храброст… ќе бара доверба.

Зошто некои сенки не те напуштаат, тие те чуваат… сè додека не побараат цена.