„Велите дека треба да бидам среќна. Велите дека морам да се научам на тоа. Велите дека заслужувам да бидам среќна. Добро, ќе ви кажам нешто за себе.“

Вака почнува искрената и сурова исповед за животот на едно деветгодишно девојче, кое расте со своите мајка, баба и дедо во селската куќа опкружена со шума. На прв поглед куќата и шумата се како од бајките. Сепак, мирисот на шумата се воврел во сите пукнатини на куќата, со секој ден шумата сѐ повеќе владее со животите на сите ликови, а во куќата влегува сѐ помалку светлина.

„Сакав да напишам роман за тоа колку е тешко да ги разликуваш вистината и лагата и да му се спротивставиш на злото. Сакав да покажам како одредени избори, кои на набљудувачот му се чинат едноставни, може да бидат нејасни и непремостливи. На крајот, поради самата себеси сакав да објаснам зошто се случуваат таквите работи и зошто ни е тешко да се соочиме со нив.“ - Алена Морнштајнова